“ხომ არ დადგა დრო, „Мир-ის“ სისტემას შევუერთდეთ?,”- მოგვცა რჩევა პარლამენტარმა ფრიდონ ინჯიამ. Მისი აზრით, საქართველოში “მასტერქარდთან” და “ვიზასთან” ერთად უნდა ვიყენებდეთ რუსულ ბარათ “მირსაც”.
“გადავიდეთ და დავიწყოთ ამ მხრივ მოლაპარაკება, რომ ფეხზე დავდგეთ და რაღაცა მოგება მივიღოთ ჩვენი ჭკუით და გაგებით,”- თქვა “ევროპელი სოციალისტების” ლიდერმა.
“აი, ფაქტმა” გამოიკვლია და გიზიარებთ, რა კავშირი აქვს ფრიდონ ინჯიას რუსეთთან, როგორია მისი ბიზნესსაქმიანობა და რა უძრავ ქონებას ფლობენ ის და მისი ოჯახის წევრები.
ფრიდონ ინჯიას განათლება რუსეთში, პეტერბურგის ბონჩ-ბრუევიჩის სახელობის კავშირგაბმულობის ელექტროტექნიკურ ინსტიტუტში აქვს მიღებული. Პროფესიით, რადიოკავშირგაბმულობის და რადიომაუწყებლობის ინჟინერია.
Პარლამენტარ ინჯიას, მის მეუღლეს და ორ შვილს რუსეთ-საქართველოს ორმაგი მოქალაქეობა აქვთ.
Მოსკოვში, კოშტოიანცას ქუჩაზე აქვს 40 კვ.მ ბინა ფრიდონ ინჯიას მეუღლეს, ლალი რუხაიას.
დეკლარაციის მიხედვით ინჯიას საკუთრებაშია ორი ავტომობილი მერსედეს ბენცი, რომელშიც 2013 და 2016 წლებში 486 ათასი ლარი გადაიხადა.
ასევე დეკლარაციის მიხედვით Სამზარეულოს ტექნიკასა და ავეჯში პარლამენტარმა 2000 წელს 200 ათასი ლარი გადაიხადა.
ფრიდონ ინჯია და აქამდე დაგროვებული ქონება
ფრიდონ ინჯიას უძრავი ქონება ასე გამოიყურება:
- 572 კვ.მ მიწა და 229 კვ.მ საცხოვრებელი სახლი თბილისში, ქიაჩელის ქუჩაზე. Მასში 23 ათასი აშშ დოლარი აქვს გადახდილი.
- 148 კვ.მ ბინა თბილისში, ჭავჭავაძის #1 შესახვევში, რომელიც 80 ათას აშშ დოლარად შეიძინა.
- 2277 კვ.მ მიწის ნაკვეთი თბილისში, ხეხილსანერგე მეურნეობაში.
- 2193 კვ.მ მიწის ნაკვეთი და მასზე განთავსებული სახლ წყნეთში, რომელიც 300 ათას აშშ დოლარად იყიდა.
- 1500 კვ.მ სასოფლო-სამეურნო მიწა ლილოში.
- 6400 კვ.მ სასოფლო-სამეურნო მიწის ნაკვეთი და ორი სახლი მარტვილში.
- 122 ათას კვ.მ სასოფლო-სამეურნეო მიწას კასპში, სოფელ ოკამში. ქონებრივი დეკლარაციის მიხედვით, ამ Ნაკვეთებში 244 ათასი ლარი აქვს გადახდილი.
- 2020 კვ.მ სასოფლო სამეურნო-მიწა კასპში, სოფელ აღაიანში, რომელშიც 2019 წელს 10 ათასი ლარი გადაიხადა.
- 95 კვ.მ კომერციული ფართი თბილისში, კახეთის შესახვევში, რომელსაც იჯარით გასცემს.
უძრავი ქონება და კომპანიები, დეტალურად, ნახეთ – https://cutt.ly/fAIpRNS
ფრიდონ ინჯია პარლამენტის მიღმა ბიზნესსაქმიანობითაცაა დაკავებული. Მას წილები აქვს 12 შპს-ში. კომპანიები, ძირითადად, კავშირგაბმულობის და ტელეკომუნიკაციის მომსახურებას ეწევიან. Მაგალითად, 46%-იანი წილი აქვს შპს ახალ ქსელებში.
Პარლამენტარი ჩართულია აზარტული თამაშების ბიზნესშიც და ფლობს ვალუტის ჯიხურებს.
