სარესტორნო მომსახურების ანაზღაურება მერიის წარმომადგენლობითი ხარჯების კატეგორიას მიეკუთვნება. ადგილობრივი მთავრობები ამ ტიპის მომსახურებას გამარტივებული წესით, კონკურსის გარეშე ყიდულობს.
ყოველწლიურად სარესტორნო მომსახურებაში ათიათასობით ლარი იხარჯება. წელს ქუთაისის მერიას ამ ტიპის მომსახურებაზე 71,000 ლარზე მეტი აქვს გამოყოფილი. ბაღდათის, ვანის, ტყიბულისა და ჭიათურის მუნიციპალიტეტებს კი სარესტორნო მომსახურება საერთოდ არ შეუძენიათ. “აი, ფაქტმა” იმერეთის ყველა მუნიციპალიტეტის მთავრობის სარესტორნო ხარჯები დათვალა, ჯამში 28 246 ლარის, 26 შესყიდვა. მათ მიერ რესტორნებში დახარჯული თანხები ასე გამოიყურება:
ადგილობრივი მთავრობები სარესტორნო მომსახურებას შემდეგი მიზეზებით ყიდულობენ:
- კულტურისა და სპორტის წარმომადგენლების გამასპინძლება;
- ოფიციალური პირების გამასპინძლება;
- ტრენინგებისა და ღონისძიებების ფურშეტით გამასპინძლება;
- ხონში აღნიშნეს საკრებულოსა და მერიის თანამშრომლებისთვის საახალწლო ფურშეტი დასკვნითი სხდომის აღსანიშნად.
ზემოთ ჩამოთვლილთაგან მხოლოდ თერჯოლის მერიის მიერ გაფორმებულ ხელშეკრულებებში არ იყო მითითებული, თუ რა მიზნით შეისყიდეს სარესტორნო მომსახურება.
