რუსული კომპანიები საქართველოში საერთაშორისო საზოგადოებამ რუსეთისთვის “ჭკუის სწავლება” დაიწყო. ე.წ დონეცკისა და ლუგანსკის რესპუბლიკების დამოუკიდებლობის აღიარების შემდეგ, აშშ-მ, ბრიტანეთმა, იაპონიამ და ევროკავშირმა რუსეთს სანქციები დაუწესეს. Მთავარი Მიზანი, ოკუპანტი სახელმწიფოსთვის ეკონომიკური დარტყმის მიყენებაა.
თუ მოისურვებს, Რუსეთის დასჯა საქართველოს მთავრობასაც შეუძლია, იმ კომპანიების საქმიანობის შეფერხებით, რომლებიც ჩვენთან წლებია საქმიანობენ და დიდი მოგებაც აქვთ. მაგალითად,
რუსული კომპანიები საქართველოში – ჩამონათვალი
- Რუსული კომერციული ბანკი VTB საქართველოში “ვითიბი ბანკი ჯორჯიას” სახელით 1995 წლიდან ოპერირებს. Მას რუსი აქციონერები მართავენ. “ვითიბი ჯორჯიას” გასულ წელს 38 მლნ ლარის წმინდა მოგება ჰქონდა. Ბანკს თბილისსა და რეგიონებში სულ 25 ფილიალი აქვს.
- Რუსული ფულადი გზავნილების კომპანია ”Золотая Корона” საქართველოში 2003 წლიდან საქმიანობს. Მომსახურების მიღება 500 ბანკსა და საფინანსო ორგანიზაციაშია შესაძლებელი. . “Золотая Корона”-ს ფლობს ნოვოსიბირსკში რეგისტრორებული შპს – РНКО “Платежный Центр”
- გაერთიანებული ენერგეტიკული სისტემა “საქრუსენერგო“ ექსპლუატაციას უწევს 500, 330 და 220 კვ ძაბვის ელექტროგადამცემ ხაზებს. Მათ შორის საქართველო – აზერბაიჯანის ენერგოსისტემების დამაკავშირებელ „მუხრანის ველს” და „გარდაბანს” , საქართველო – თურქეთის დამაკავშირებელ 220 კვ ეგხ „აჭარას”. ასევე, შიდა ელექტროგადამცემ ხაზებს.„საქრუსენერგოს“ აქციების 50%-ს ფლობს რუსული სააქციო საზოგადოება „ერთიანი ენერგეტიკული სისტემის ფედერალური საქსელო კომპანია“ (ПАО ФСК ЕЭС).
- ასევე რუსული “ინტერ რაო” ფლობს ელექტროენერგიის გამანაწილებელი სისტემის ოპერატორ “თელასის” აქციების 75%-ს. 2021 წლის პირველ ნახევარში “თელასს” 15 მლნ ლარის მოგება ჰქონდა.
- “სოფლის ნობათის”, “ჩუდოს”, “მარგოს” და “რჩეულის” კვების პროდუქტებს აწარმოებს Რუსული Სააქციო საზოგადოება ვიმ-ბილ-დან საქართველო. ის რეესტრში 2010 წელს დარეგისტრირდა.
- Მეოთხე წელია ბათუმში საქმიანობს რუსული სარესტორნო ქსელი – Ginza Project-ი. Საქართველოში Მათი პარტნიორი “ორბი გრუფია”. “გინზას” რესტორნები ორბის ზღვბისპირა ცათამბჯენების ბოლო სართულზეა.
- Სატელეკომუნიკაციო კომპანია ბილაინი რუსულ კომპანია “ვიმპელკომს” ეკუთვნის. “Ბილაინი” საქართველოში 2007 წლიდან ოპერირებს.
- საქართველოში 2002 წელს შემოვიდა Რუსული ნავთობკომპანია ლუკოილი და ახლა 58 ავტოგასამართი სადგური აქვს.
- ტაქსის გამოძახების სერვისი “მაქსიმი” რუსულ კომპანია “Mobil TeleCom”-ს ეკუთვნის. “Მაქსიმი” საქართველოში 2014 წელს შემოვიდა და რვა სხვადასხვა ქალაქშია.
- რუსულია კიდევ ერთი ტაქსის სერვისი, Yandex-იც. “იანდექსის” ტაქსი საქართველოში 2016 წლიდან საქმიანობს. ამ კომპანიას აპლიკაციაში საქართველოს რუკა აფხაზეთის და სამაჩაბლოს გარეშე ჰქონდა გამოსახული.
გარდა ამ მსხვილი ფირმებისა, საქართველოში მრავლადაა რუსეთის მოქალაქეების საკუთრებაში არსებული შპს-ებიც.
Საჯარო რეესტრის მონაცემებით, 2012-2020 წლებში საქართველოში დარეგისტრირდა 3558 რუსული კომპანია. Მათი ჩამონათვალი შეგიძლიათ ნახოთ აქ – https://cutt.ly/sPFCw5K
კომენტარები
