“აი, ფაქტი” იკვლევს ღია წყაროებში რუსული კანონის მხარდამჭერ დეპუტატებზე არსებულ ინფორმაციას და მოკლე ფორმატში გაწვდით მასალას. სამომავლოდ კი მათი საქმიანობისა და ბიზნესინტერესების შესახებ უფრო ვრცელ გამოძიებებს გპირდებით.
პარტია: საზოგადოებრივი მოძრაობა “ხალხის ძალა”, 2022 წლის ოქტომბრამდე “ქართული ოცნება – დემოკრატიული საქართველო”
განათლება: 1992 წელი – თსუ, სოხუმის ფილიალი, წარმოების ეკონომიკა და მართვა.
სამუშაო გამოცდილება:
1994 – 1999 წლები – მარნეულის კოოპერატიული მრეწველობის კომბინატი;
1995 – 1999 წლები – მარნეულის პურ-პროდუქტების კომბინატის დირექტორი;
1999 – 2000 წლები – მარნეულის ელექტროქსელი, დირექტორი;
2000 – 2002 წლები – სს ქვემო ქართლის ენერგო კომპანია, სამეთვალყურო საბჭო, სახელმწიფოს წარმომადგენელი;
2002 – 2004 წლები – გაერთიანებული სადისტრიბუციო ენერგოკომპანია, სამეთვალყურეო საბჭო, თავმჯდომარის მოადგილე;
2010 – 2012 წლები – მესტიის მუნიციპალიტეტის საკრებულოს წევრი;
2004-2008; 2012 წლიდან დღემდე – პარლამენტის წევრი.
რეგისტრაციის მისამართი: დაბა მესტია, სეტის (ლენინის) მოედანი, #3
დაბადების ადგილი: საქართველო, მესტია
ოჯახის წევრები: მეუღლე – ნათია ხვისტანი; შვილები – გიორგი, ოთარი და ეკატერინე ჯაფარიძეები.
ეკატერინე 2014-2016 წლებში ესპანეთში, ბარსელონას უნივერსიტეტში სწავლობდა.
უძრავი ქონება:
1343 კვ.მ საკარმიდამო მიწა თეთრიწყაროში, სოფელ დიდგორში;
ჯამში 3 ჰა ფართობის შვიდი მიწის ნაკვეთები დაბა მესტიაში, სოფელ კახურში, ნაწორში და ლეგურგულაში. მიწების ნაწილი სასოფლო-სამეურნეო და საკარმიდამოა, ზოგზე კი საცხოვრებელი სახლი დგას. დაბა მესტიაში მდებარე 95 კვ.მ ფართი იჯარით აქვს გაცემული შპს “ნიკორა ტრეიდზე”.
1556 კვ.მ ფართობი და 131 კვ.მ ბინა თბილისში, საბურთალოზე, სიმონ ჩიქოვანის ქუჩაზე. საჯარო რეესტრის მიხედვით, ბინა ორ სართულზე განლაგებული. პარლამენტარმა ეს უძრავი ქონება 2013 წელს 180,000 ლარად იყიდა;
2015 წლიდან ჯაფარიძის საკუთრებაშია 75 კვ.მ სარდაფი ოქროყანაში, მირზა გელოვანის ქუჩაზე. დეპუტატის დეკლარაციაში ეს ქონება არ ჩანს. არადა, გამჭვირვალობის და ანგარიშვალდებულების სახელით კი გველაპარაკებოდა, როცა “რუსულ კანონს” უჭერდა მხარს.
ოჯახის უძრავი ქონება:
42 და 49 კვ.მ ბინები და 95 კვ.მ სხვენი თბილისში, დავით აღმაშენებლის გამზირზე. ვიქტორ ჯაფარიძის მეუღლემ, ნათია ხვისტანმა ბინებში 2019 წელს 40 ათასი ლარი გადაიხადა.
ml-ის ბრენდის 2012 წელს გამოშვებული ავტომობილი, რომელიც 2013 წელს 20,000 აშშ დოლარად იყიდა.
ხელფასი პარლამენტიდან: 2022 წელს ატვირთული დეკლარაციის მიხედვით, 2021 წელს პარლამენტარის ანაზღაურება 48,471 ლარი იყო, რაც ყოველთვიურად 4,039 ლარია.
სხვა შემოსავალი:
2021 წელს წილის გასხვისებით 280,000 ლარი, მესტიაში არსებული ფართის დროებით სარგებლობაში გადაცემით კი 50,806 ლარი მიიღო
ბიზნესი:
ჯაფარიძე ფლობს შპს თაბუნის, ტელეკომპანია “პოსტვ”-ის 52%-ს და შპს “სეტი+”-ის 33-პროცენტიანი წილს. რეესტრის მიხედვით, ახლა ამ კომპანიის წილებს მეუღლე, ნათია ხვისტანი მართავს.
“სეტი”+-მა 2019-2023 წლებში სახელმწიფო შესყიდვებიდან 325,000 ლარი მიიღო. თანაც, უკონკურენტოდ, გამარტივებული ხელშეკრულებებით.
კომპანიას სასტუმროს, რესტორნებისა და კვების მომსახურებას, ძირითადად, უკვეთავდა მესტიის მერია და ტურიზმის ეროვნული ადმინისტრაცია. საუბარია ჯამში 53 ხელშეკრულებაზე.
სახელმწიფო შესყიდვების ჩამონათვალი
ოჯახის წევრის ბიზნესი:
დეპუტატ ჯაფარიძის მეუღლე ნათია ხვისტანი ინდ.მეწარმეა. ასევე, მის საკუთრებაშია შპს “სეტის” 50% და შპს “ქცია 94”-ის 70%-იანი წილები. ამ კომპანიას მასთან ერთად რუსეთის ორი მოქალაქე ფლობს.
შემოწირულობა:
2012-2017 წლებში ვიქტორ ჯაფარიძემ “ქართულ ოცნებას” 120,000 ლარი შესწირა.
მისმა მეუღლემ ნათია ხვისტანმა 2017-2018 წლებში მმართველ პარტიას 55,000, პრეზიდენტობის კანდიდატ სალომე ზურაბიშვილს კი 50,000 ლარი ჩაურიცხა.
იხილეთ ასევე:
მაკა ბოჭორიშვილი – რუსული კანონის მხარდამჭერი დეპუტატები
მაია ბითაძე – რუსული კანონის მხარდამჭერი დეპუტატები
დიმიტრი სამხარაძე – რუსული კანონის მხარდამჭერი დეპუტატები
